๑۩ﺴ 敏敏&糖糖ﺴ۩๑

    原来我已经一个几月无更新过喇，真系罪过。不过唔可以话因为懒噶，因为哩个月真系好忙啊，每个周末都稳一日去街一日复习，平时放工翻黎又要复习，有一个周末又去左盘龙峡旅行添，所以无乜时间更新咯。

         琴日终于考晒果个历时半年嘅会计上岗证喇，本来唔使咁耐嘅，都系自己衰，无一次过报晒3科，搞到要分开几次考，拖左咁耐。不过就算拿到个证都唔代表乜嘢啊，人地一样睇唔起我，一样照踩我，唉！！生活艰难啊！上星期五先啱啱比只死嘢抢左我个靓位，果个本来很值得自豪嘅靓位，基本上无乜人骚扰我。结果上星期老细竟然要我让个位比只死嘢，理由系：佢职位比我稍微高小小，所以佢要坐系我后面睇住我！！都唔知咩理由黎嘅，咁都得嘅，真系激死我喇！日日都为哩个人搞到好烦，前几日佢去左旅游真系难得嘅耳根清净，可惜一翻到黎就追住我吵哩样果样，好似前世同佢打乱骨头咁。真系唔想再为左哩个人搞到自己咁唔开心喇，未见过啲咁变态嘅女人，真系想快快脆脆嫁佢出去等佢休多啲假都无望喇。唔可以再比佢影响我嘅心情，哩啲人唔值得费神。我一定会过得比佢好！！！！

         琴日同RP行街终于买左一对马骝仔喇，即系果只可爱嘅悠嘻猴啊，嘻嘻！我恨左好耐噶喇，迟啲等我物色下有无佢嘅手机绳先，咔咔！

         今日中秋节啊，我梗系乖乖地留系屋企陪屋企人喇，顺便免费帮公司OT下咯。唉，反正已经考完试，就带左啲嘢翻黎屋企做，费事系公司成日比啲无谓人打扰影响工作效率喇。

         各位中秋快乐哦！！哈哈！！

    08年7月最后一个星期，可能系我经历过最衰最黑嘅一个星期~~~

29号晚，落班去文明路剪发之后系文德路个车站比几个可恶嘅匪徒偷左我部S500C……当时吓到唔知点办好，好惊，好慌，好无助。明知系果班贼，但我毫无证据。如果可以嘅我一定会不顾一切抢翻翻黎，可惜……当时曾经想过报警，但好清楚警察根本系班废物，而且周围连个保安同公用电话都无，系马路中间求果2个贼比翻部手机我，结果当然系于事无补喇。然后就着住对高跟鞋狂奔去稳公用电话，最终要跑到去永汉门口先有电话，于是马上打比个品帮我先挂失张卡，费事连话费都蚀埋。但当时个脑真系一片空白，竟然连据屋企电话都记唔起，好彩记得另一个电话总算稳到据顺利挂失左张卡。之后即刻搭车翻屋企稳妈妈，一入门就喊到收唔到声。果部手机话贵唔贵话便唔便，但那是我做一个月都买唔翻黎噶，而且里面嘅资料比手机嘅价值贵重多了，用钱都买唔翻，捻起就心up……

31号下午，竟然比老细叫左我去倾计，唉，原来比人督背脊了。觉得好冤枉，老细讲嘅嘢完全系人地嘅片面之词，我根本连解释嘅机会都无。枉我禁努力工作，从来无话嫌辛苦，换来嘅竟然系老细嘅一句我有无将全副心机放系工作上面，有无完成好工作任务。果然系加班又比人话唔加班又比人话。早知系咁上次我就应该比机会HR闹据一餐，捻住费事搞大件事，结果比人反咬一口了。睇黎哩度真系不宜久留啊……

唔想再提哩两件事，唔想再去回忆那惨痛嘅经历，宜家唯有见步行步，快啲买翻部手机，去盘龙峡玩翻个周末调整下心情。啲衰神快啲远离我喇，本命年都唔使咁害我挂！！！

    蟹蟹我嘅生日过左喇，今年好开心啊，好多人陪我过。首先要多谢帮我庆祝嘅爸爸妈妈，RP，个品，lili，教主&夫人，力奇，connie姐姐，joanne妹妹，maggie夫人，仲有迪哥哥；然后仲要多谢记得我生日嘅PP，静仪，Yung，晓虹，细细，莹火虫，薯薯，phyllis，Flora……

         虽然生日得一日，但基于有4批人分别同我庆祝，所以就分左4次进行喇，嘻嘻！

         首先系7月12日，难得爸爸系工地翻左黎，顺便帮我预祝生日。本来爸爸问我想点庆祝，系米要出去食饭，但出去又贵又唔一定好食，不宜自己买翻黎煮仲好喇。所以佢地整左酱油鸡，仲有我点名要食嘅炒花蟹。因为自己皮肤唔好，平时妈妈都唔比我食海鲜，（虽然我都有偶然系外面食啲，嘻嘻），所以生日嘅时候我就肯定会话要买花蟹，难得格外开恩嘛，梗系唔可以错过机会喇。除此之外，爸爸仲叫我买个生日蛋糕翻屋企，于是我就干脆提早小小订左个果真掂嘅榴莲千层生日蛋糕。不过得我哋3个人食成个生日蛋糕实在食唔晒，于是我第二日邀请左个品过黎食，仲拿左啲比lili，感都叫做同我一起食左生日蛋糕啊，哈哈！至于个蛋糕嘛，比想象中差左啲，因为啲水果唔够pro，搞到个蛋糕还不如就感斋榴莲千层糕，浪费左……不过唔紧要喇，最重要系爸爸妈妈对我嘅心意嘛，嘻嘻！

         生日前一日，系我嘅不太低调之下，比connie姐姐发现左我即将生日，结果被坑了一餐，哈哈！还好我对佢情有独钟，坑就坑喇，难得大家开心嘛，我最中意热闹噶喇。于是我哋就择日不如撞日，就果晚放工邀请埋maggie夫人同joanne妹妹一起冒雨去咗前进路食蟾蜍。本来就得我哋4个嘅，不过connie姐姐话要叫埋某人喔，感我就尊敬不如从命了，咔咔！食完饭大家仲即兴去左neway唱K，去到先发现原来寿星系生日嘅前后5日凭身份证可以免费唱K同埋送生日蛋糕。可惜我偏偏果日朝早比左个身份证妈妈帮手办港澳游，于是即刻翻屋企拿身份证，仲趁哩个时候叫埋迪哥哥去join我哋。因为生日蛋糕要提前一日预约先有得送，所以我果晚只能免费唱K。不过大家竟然特登去天使简约买左个生日蛋糕比我，仲一起唱生日歌比我听，真系好感动啊，从未试过有哩种意外惊喜，好多谢你哋啊！一直以为唔会跟同事一起过生日，因为没有深厚嘅感情，但古唔到反而系佢地比到我哩份感动。而且果晚我哋仲刚好唱到12点，大家都同我讲生日快乐，好开心~~哈哈~~~

         生日当天当然要留翻比RP陪我过喇，嘻嘻！本来果日据应该系天河果边翻工嘅，点知公司突然话要据再去东莞2个星期帮手，仲要系我生日果日去喔，呜呜，搞到人地鬼禁唔开心。好彩据同老细讲屋企有事问可唔可以迟一日去，感先可以留系度陪我过咋。所以……真系好多谢你啊！！！于是果日放工我就果左去耀中广场果边稳据，然后一起过去中山八果边吃饭。我地去左美西牛扒锯扒，仲趁机影翻几张相留念添，咔咔！至于生日礼物嘛，由于时间关系，一早就已经送左并且带/戴住系身喇。Thank you so much!!!!

         然后最后一次就梗系要同我班好好朋友一起食翻餐饭喇。不过斋食饭太无瘾了，所以上星期六我地去左lili屋企打mahjong咯，不过其实都系得我同lili，nicky仲有教主打，RP就好迟先黎，哈哈！好神奇，每次我话要请食饭就肯定有得赢，其余时候就……唔好提了。都唔知系大家因为我请食饭放我一马定系真系禁好彩，不过有得赢都好，嘻嘻！玩左一个下午，我以大热胜出，然后就起程去北京路间越潮盏食饭喇。本来订左台，不过因为突然落雨搞到我地迟左出门口，结果去到过左时间，唯有重新等位喇，最后等到7点半先有位，哩个时候个品同夫人都陆续到达了。我地7个人好似点左8样餸，不过唔知点解我好似唔系食得好饱嘅，唔知系米因为系我挂住影相嘅时候大家已经食晒啲嘢呢，哈哈！但其实最后我地都无影到大合照啊，连小合照都无，得我同lili有1张咋，真系可惜啊。中途仲发生咗件好可怕嘅事，竟然系toilet见到只老鼠爬上黎啊，吓到我花容失色，哈哈！食完饭大家话稳个地方玩UNO牌，于是我哋就翻左江南西某间咚咚玩喇，仲自带左2支果粒橙。由9点半玩到12点，结果我系输得最惨烈果个，我隔离果两位仁兄真系无阴功啊，感害我。不过见大家同我玩足成日陪足成日，饶恕你哋喇，哈哈！

       相信无几多人会愿意并且有心机睇晒我哩篇嘢咯，不过我都系纯粹为左记低今年哩个禁特别嘅生日喈。所以大家睇唔睇晒都无所谓啦，嘻嘻！但最后都系要再次衷心多谢各位有心人，因为你哋令我可以暂时忘记果啲唔开心嘅嘢，尽情地enjoy哩个生日！！！Thx……

    好鬼嬲啊~~好变态啊~~究竟据系米有病嘎？？？定系提早更年期啊？？？得闲无野做穩我黎鬧啊？？都未见过啲女人禁鬼变态嘅，想帮人出头公报私仇啊？？？？真系唔发火当我病猫！！！！宜家我特别好虾咩？？？？如果我识讲粗口我肯定诅咒你！！！！！！

         无端端星期一晨早就系个Q度鬧我，讲到我好似特登迟啲去税局搞到据做唔切啲野感。小姐，我已经宁愿尽量去多几次税局都唔想扎住啲发票系我手上，我都想快啲搞掂快啲掉晒比你唔使堆系自己度喇。自己唔知头唔知路就系度发神经鬧人，你禁叻你自己去咯，好似我果阵感一脚踢自己搞掂晒所有改票嘅野咯，使鬼黎追我哩样追我果样啊！！！你咩新鲜萝卜皮啊，虽然你做多我几年财务，但大家一起转正，成日以上司嘅名义哒我，有咩禁巴闭啊！！！！总之都系果句，我一定会做好自己嘅工作，至于你要点做系你嘅事，唔好将啲责任推系我身上！！！

         今日系税局仲激气，本来邮车无位唔可以搭顺风车翻黎，不过好彩公司有部车入左黄埔，可以顺便搭埋我出黎。但人地HR有啲野未搞掂要等下午搞掂先走得，感我都唯有等嘎，唔通叫我自己搭公车出黎啊。果条友又发短信黎鬧鬼我，话我唔翻去又唔出声，个个都以为我失踪左。痴线，好似几时都系得你系度穩我，得闲无聊又装下我个位。已经叫同事同你讲左未有车出黎嘎喇，感都仲要鬧下我，分明嬲我唔当你上司唔直接同你报告喈。从来都无老细会黎穩我或者打我电话，你又系度作大话老细成日投诉穩我唔到，果个老细米就系你咯！！！禁叻你穩车入黄埔接我走咯！！人人都知道我去左黄埔，邮车唔見我就肯定有事未走得喇，连你阿头都知道我地未走得，你凭咩黎追我啊？？？？真系讲起就嬲，根本唔想见到你，捻起你都想作呕！！！！！早知果个手机号码系你嘅我就唔帮你充值，搞到宜家益左你添！！！失策！！！！

         够胆你就下次当住其他同事嘅面鬧我，反正我以事论事，我唔怕同你頂！！！！！

    今日终于考完个会计从业考试其中2科喇，一身松晒。虽然已经上左3个多月课，不过其实真正比心机温习都系哩一个多星期嘅事，真系惭愧喇。好彩皇天不负有心人，啲题目尚算不太难，再通过灵活变通就写满晒份试卷喇，哈哈！

         睇黎我都系习惯了临急抱佛脚，始终相信有压力先有动力嘛！想当年……其实系上年毕业之前，哈哈，我都系一个月内翻工放工系班车度猛睇书猛做习题先过左果科可恶嘅xxx~~不过我始终都系定力唔夠，成日都温温下習走黎走去穩野食，特别琴日仲想走出去……真系罪过！！！

         今日早上考财经法规，本来捻住都唔多识做，干脆早早做完交卷走人，留翻啲时间温习下午果科会计基础。点知我仲系改变唔到哩个小学生写作文要起稿嘅坏习惯，竟然将啲问答题同案例分析题嘅答案写晒系张草稿纸度先。唉，结果米差啲唔夠时间咯，后来见到雯雯已经交卷了，我先放弃左哩步直接做系答卷，先刚好赶得切做晒。

         然后中午去食左碗鱼蛋粉，因为太热，我地行左去老远嘅M记捻住霸位温习。不过我地禁迟先去，早就比人霸晒喇，见多个个台面基本上都放住本会计基础，原来系同道中人。无办法，唯有去左间无乜人嘅“仿真功夫”，叫左2杯豆浆，开始温习。其实当时已经淨翻半个钟了，期间仲去左隔离嘅屈臣氏買野，嘻嘻！半个钟后，我地又行翻去老远嘅考场准备考試，呵呵。

         本来捻住考完试就去炸姨度食翻餐嘅，点知天公不作美，4点多嘅时候下起了大暴雨，搞到避左成个钟都走唔到，最后冒雨冲出去了，仲走去问啲铺头借左2个胶袋包住对鞋。然后依然不忘炸姨，毅然去左食野，咔咔！食完之后已经听雨了，先各自翻屋企吃饭，饱死我了。

         不知不觉中原来我已经一年多无考过試喇，突然觉得有点怀念，今日重温了果种做卷做到头昏脑胀嘅感觉！！我一定系烧坏脑了，哈哈～～

近排好忙啊，好多應醻，其實系好多節目，哈哈，又要復習準備下星期考試。已經足足一年無考過試喇，突然有啲恐懼。哩3日基本上哩埋系屋企瘋狂做練習，其實啲練習早就應該做完嘎喇，呜呜，我都仲系改唔到臨急抱彿腳嘅宿命。突然好想翻宿捨重溫下以前考試前通宵復習嘅情景。

   前日下午終于成功約左教主据地出黎聚會喇，幾經辛苦，每次都系我做organizer，每次都話以后唔做，結果都仲系逃脫唔到。大傢一定要明白下我哩个organizer嘅苦心啊，要花唔少心血嘎。經過大傢嘅許可，我仲帶埋RP去添，哈哈。我地去左恆寶間一級棒食夀司，系教主做東的哦，我代錶大傢多謝晒先，嘻嘻！然后竟然一行7人一起去左影貼紙相，真繫前所未有，好綵都仲塞得落禁多人，不過就人人都得翻個頭咯，哈哈！

   之后應nicky仔嘅號召，我地一起翻左江南西游干水，似乎大傢做左野之后都無機會一起游了，呵呵！明顯賭神就想穩我做水魚喇，好綵据走得早，又有某人繫度幫我頂住先唔至于輸得禁慘!

   先寫住禁多喇，等我考完試有野要滙報再慢慢寫，唔知下次寫會唔會已經系我生日呢，哈哈！

    前两日终于去了南沙进行excellent workshop，已经拖了两个多月，还好去得成了。

         星期四中午大家11点就开始去吃饭了，因为要12点起行。但我地team竟然出去开饭了，虽然大家已经拿拿声猛食，但结果都系迟到了，真系罪过。不过好彩南沙离广州都唔系禁远，我地好快就到左酒店了。去到酒店check in完就马上要去开会了。面对哩个全英的会议同埋一大串的数字，简直又晕又眼训。好彩中途可以休息，而且开左2个钟左右就结束了，然后去左户外teambuilding. 晚饭我地去左一间叫做“顺德十二道菜”的东东吃，开头我地仲系度研究究竟系要去顺德食12道菜定系果间野叫做顺德十二道菜，哈哈。成晚最热闹就系我地果围台了，因为我地一去到就系度玩“拍七”，输左罚食台面上任一样食物，结果果度几个新手系吃饭前已经吃得差不多饱了，咔咔~~我地的鬼佬CFO就系隔离台，开始的时候据都话叫我地just have fun，点知后来我地玩得太激动了，据都系忍唔住使人叫我地收细音量了，哈哈~~

         吃饱饭翻到酒店之后我地就去各自精彩了，自由选择公司安排的唱K，打麻将，健身或者游水。于是我就同cw去左唱K，本来都好多人去K房的，但某部分“长辈”自己又唔自觉去点歌，结果得我地几个young啲嘅成日系度点，搞到据地后来走晒了。虽然我地都唔系禁好意思嘎，但我地都唔知要帮据地点咩歌啊，无办法啦。

         因为我地AR同TP  team讲好左10点要去多多间房集中玩游戏，所以我10点就走左了。点知翻到上去发现个个都未到，原来大家始终都敌不过麻将的诱惑，抽唔到身，呵呵！后来差不多11的时候先逐渐召唤翻大家回来。我地开头玩拍七，结果大输家始终都系果几个啦，有人仲比人贴到成面都系memo纸。之后我地开始了当晚预定好的重头戏——killer。很不幸，我第一局抽中左killer，竟然第一round就比人发现了，真失败啊。之后多次做平民，可惜都惨遭毒手了，killer王真系无阴功啊，猛对我落手。我地越玩越饿，又无水饮，我仲要无位坐，企足2个多钟，累啊。后来发现房里面有几包薯片同蛋糕，实在系救星啊，无水都照啃啦。最后我地玩到差唔多2点先散伙，然后我先翻房冲凉。本来冲完即刻训都无禁辛苦嘅，点知我同夫人又猛倾计喔，倾到眼都撑唔开先训，已经成4点了，my god. 最可恶的肯定系cw啦，竟然第二朝7点几比morning call我地，天啊，早左成个钟啊，严重影响我地的睡眠质量，下次要好好教训下据~~

         第二日我地早上check out完就去左另一个地方继续teambuilding，中午就梗系出发去CFO屋企BBQ啦。好一栋豪华的别墅，咩娱乐休闲健身设施都有，仲有只好受欢迎的大狗阿jack，咔咔。好多人都追住jack猛合照，不过据成日都唔多配合，好不容易我都影左几张，哈哈~~本来我地都以为系要自己动手丰衣足食的，点知全部的烤肉都系CFO亲自烧比我地的，哗，真系唔话得啦。不过始终大家的口味唔同，烧烤的方式都唔同，啲烤肉无乜味唔系禁好食咯，感样讲实在罪过。不过我可是很佩服据为我地所做的一切哦，至少对我们还是比较nice的，哈哈。

         食饱饱之后我地就翻归啦，系祈福翻天河好快就到，于是我地先翻到公司楼下再同夫人一起搭地铁翻屋企的。感就结束了我地哩次南沙之旅啦。翻到屋企梗系要好好补眠啦，眼训死我了，于是训到吃饭先起身。

   考虑了几乎一年~~~挣扎了几乎一年~~上个月终于下定了决心~~今日终于付诸行动——将我那把留了8年的长发狠心地剪掉了~~~

       去年开始流行起了像Hebe那样的短发，个品都早早地弄了个相似的发型。我从果阵开始就系度林，我好晤好都跟下风换下发型呢~~~鉴于初中的时候被逼剪了个短发，哭得我死去活来~~哈哈~~夸张了点，不过真的从小讨厌短发。活到昨天为止，就系得初中三年系短发，结果连中意疯狂影相的我竟然都无系初中影几张相，因为就系顶晤顺自己。但我已经厌倦左自己长发个样啦~~要趁仲后生试下D新事物嘛~~哈哈~~所以上个月下定了决心一于剪左据。虽然都好担心晤好睇嘎，所以成日执起扎头发模拟下剪左系咩样，等自己习惯下先。而且琴日仲猛系公司稳人同我留下倩影，以防之后晤好睇晤敢影相，搞到D同事仲以为我last day添。

        今日去到win salon开始剪发的时候，都无觉得晤舍得。但点知越剪个心越慌，突然好晤踏实的感觉，突然觉得想喊，果然比个品同妈妈讲中了，呜呜~~~我那长发最终被剪去了起码三份二，心痛啊，留得好辛苦嘎。本来winnie话晤帮我剪太短，费事我接受晤到，但一不做二不休，我叫据再剪短D啦，晤三晤四会好热。后来拉左之后终于顺眼D啦，个心先定翻D，好彩~~ 宜家觉得效果尚算不错，不过希望过两日洗左之后都keep到啦~~god bless me~~~